Aafgeloupe vriedig 14 fibberwarie belaefde v’r veur de 32^e kiër ’t Aadwieverbal, dit jaor bie Ronckesjtein. Iërs waas ’t de beurt aan Aadwief 2019 Dorien om aafsjied te naeme. Zien vriendinne haaje ein hiële sjoëene samevatting van häör jaor op film gezatte, dao bleek waal oet wie ze met zien alle genaote haaje.

Nao de klanke van Bjorn en Mieke waerde de sjpanning opgeveurd. De jonges van de Dorsvlaegels droge ’t Niej Aadwief op henj as cupido’s de zaal in in eine draagsjtool. Wie ’t dook opziej waerde gesjaove sjting dao veur ós ’t Niej Aadwief 2020, Danielle Davidts!